बिक्रम लिम्बू(झापा)-उदयपुरका याम बाहदुर तामाङ यतिखेर ४० वर्षिय श्रीमती दिलकुमारी तामाङ खोज्दै भौतारिरहेका छन।
लमजुङमा कर्मथलो बनाएका याम बहादुरकी श्रीमती माघ ३ गते पार्लर जान्छु भनि घर बाट निस्केको श्रीमतीको अत्तोपत्तो नभएपछि याम बहादुर आतिएका छन।
५-६ बर्ष देखि लमजुङमा ठेक्कापट्टा गर्दै आएका याम बहादुर पुसको २५ गतेनै विशेष कामले उदयपुर गएका थिए।दैनिक जसो सम्पर्कमै रहेको तर माघ २ गते बेलुका देखि सम्पर्क नरहेको र माघ ३ गते आफ्नो काम गर्ने कर्मचारी संग सम्पर्क गर्दा पार्लर जान्छु भनि निस्केको मात्र थाहा पाएको उनको भनाई छ।

श्रीमति संग संगै ११ बर्षको कान्छो छोरो पनि संगै रहेको बताएका छन।याम बहादुर र दिल कुमारीको ३ सन्तान रहेका छन।दिल कुमारी तानाङ संग संगै नजिकै काम गर्ने एक ट्याक्टर ड्राइभर समेत गायब रहेको जानकारी गराएका छन।तनहु घर भएको ड्राइभर पनि सोही दिन श्रीमती संगै गायब भएपछि कतै उसै संग भागेको पो छ कि भन्ने आशंका समेत गरेका छन।
श्रीमतीले छोरा संगसंगै नगद दुई लाख पैतिस हजार एक तोला सुन र पाच तोला चादि समेत लिएर हिडेकि बताउछन याम बहादुर तामाङ।

जाने जति ठाउ सबै सोधि सकेको ससुराली तिर पनि खोजिसकेको बताउने याम बहादुर तामाङ यदि लुकेको भए श्रीमतीलाई चाडो फर्किन आग्रह गरेका छन।यदि साच्चिकै परपुरुष संगै गएको हो भने पनि सम्पर्कमा आइ सम्बन्ध बिच्छेदको प्रक्रिया अगि बढाउन अनुरोध गरेका छन।